اسلام آباد: وزیراعظم پاکستان عمران خان نے چیئرمین این ڈی ایم اے کو فوری طور پر کراچی جانے اور بارش کے بعد صفائی کا کام شروع کرنے کی ہدایات جاری کردیں۔

انہوں نے ٹویٹ کرتے ہوئے کہا ہے کہ 'میں نے نیشنل ڈیزاسٹر مینجمنٹ اتھارٹی (این ڈی ایم اے) کے چیئرمین کو فوری طور پر کراچی جانے اور بارش کے بعد صفائی کا کام شروع کرنے کی ہدایات دی ہیں۔'

اپنی ٹویٹ میں وزیراعظم پاکستان نے مزید بتایا کہ 'میں نے افواج پاکستان کو بھی شہر کی صفائی کے کام میں ہاتھ بٹانے کا کہا ہے۔'

واضح رہے کہ گزشتہ دنوں کراچی میں بارش کے بعد ندیوں نالوں کی صفائی نہ ہونے کے باعث سیلابی صورتحال پیدا ہوگئی تھی اور متعدد سڑکوں پر پانی کھڑا ہوگیا تھا۔