Aaj TV News

COVID-19 TOTAL DAILY
CASES 282,645 782
DEATHS 6,052 17
Sindh 122,759 Cases
Punjab 94,040 Cases
Balochistan 11,821 Cases
Islamabad 15,182 Cases
KP 34,432 Cases

لاہور ہائیکورٹ نے گھی کی فروخت اور تیاری پر پابندی کیخلاف محکمہ فوڈ کا نوٹیفکیشن معطل کر دیاجبکہ پنجاب حکومت اور محکمہ فوڈ سے تحریری جواب طلب کرلیا گیا۔

لاہور ہائیکورٹ کے جسٹس عاطر محمود نے ابوذر سلمان خان نیازی ایڈووکیِٹ کی وساطت سے گھی کمپنیوں کی جانب سے دائر درخواست پر حکم جاری کیا۔

درخواست گزاروں نے مؤقف اختیار کیا کہ محکمہ فوڈ نے 31 جولائی2020ء کے بعد گھی کی فروخت پر پابندی کا نوٹیفکیشن جاری کیا ہے، جس میں اسٹیک ہولڈرز کی مشاورت شامل نہیں،محکمہ فوڈ کا یہ اقدام آئین اور قانون کی واضح خلاف ورزی ہے،استدعا ہے کہ محکمہ فوڈ کا خلاف قانون جاری کیا گیا نوٹیفکیشن معطل کیا جائے۔

دلائل کے بعد عدالت نے گھی کی فروخت اور تیاری پر پابندی کیخلاف محکمہ فوڈ کا نوٹیفکیشن معطل کرتے ہوئے پنجاب حکومت اور محکمہ فوڈ سے آئندہ سماعت پر تحریری جواب طلب کر لیا۔