Aaj TV News

COVID-19 TOTAL DAILY
CASES 282,645 782
DEATHS 6,052 17
Sindh 122,759 Cases
Punjab 94,040 Cases
Balochistan 11,821 Cases
Islamabad 15,182 Cases
KP 34,432 Cases

لاہور سمیت پنجاب کے مختلف علاقوں میں بارش نے موسم خوشگوار بنا دیا، بادلوں اور سورج کی آنکھ مچولی بھی جاری ہے،محکمہ موسمیات نے آئندہ 2روز بارش کا امکان ظاہر کردیا۔

پنجاب بھر کی طرح لاہور میں بھی مون سون کی بارشوں نے گرمی کی شدت کم کر دی۔

صوبائی دارالحکومت میں صبح ہوتے گہرے بادل چھا گئے اور ٹھنڈی ہوائیں چلنے لگیں جس کے بعد مختلف علاقوں میں ہونے والی بارش نے موسم خوشگوار بنادیا۔

باران رحمت سے دھلے ہوئے درخت اور پھول انتہائی خوبصورت منظر پیش کررہے ہیں۔

میانوالی، شرقپور شریف، منڈی بہاؤالدین، نارووال اور لیہ سمیت پنجاب کے مختلف شہروں میں بھی کہیں ہلکی اور کہیں تیز بارش ہوئی جس نے موسم سہانا بنادیا۔

محکمہ موسمیات کے مطابق پنجاب کے دیگر شہروں کی طرح لاہور میں 3روز تک بادل اور سورج کی آنکھ مچولی کے ساتھ بارش کا امکان ہے۔