انسانی اسمگلنگ کا عالمی دن ہر سال 30 جولائی کو منایا جاتا ہے، اس دن کا مقصد بین الاقوامی سطح پر اسمگلنگ کی روک تھام کیلئے شعور اجاگر کرنا ہے، انسانی اسمگلنگ ایک گھناؤنا جرم ہےاور انسانی حقوق کی سنگین خلاف ورزی ہے، دنیا کا ہر حصہ اس جرم سے شدید متاثر ہے۔

پاکستان میری ٹائم سیکیورٹی ایجنسی واحد بحری قانون نافذ کرنے والی ایجنسی ہے جس کو(پی ایم ایس اے) ایکٹ کےتحت یہ ذمہ داری بھی دی گئی ہےکہ وہ سمندر میں انسانی اسمگلروں کا تعاقب کرنے کے بعد ان کو کیفر کردار تک پہنچائے ۔

لہذا پاکستان میری ٹائم سیکیورٹی ایجنسی نے بھی30 جولائی کو یہ دن مناسب انداز میں منایا اس سلسلے میں اس دن کی اہمیت کو اجاگر کرتے ہوئے افسروں اور جوانوں کو لیکچر دیاگا ۔

اس موقع پر مختلف جگہوں پر بینرز آویزاں کئے گئے جن پر انسانی اسمگلنگ کی روک تھام کو اجاگر کرنے کا پیغام آویزاں تھا۔