Aaj TV News

COVID-19 TOTAL DAILY
CASES 288,047 747
DEATHS 6,162 9

سندھ حکومت نے عید کی تعطیلات میں اضافہ کردیا ہے ، اب عید کی تعطیلات تین اگست تک کردی گئی ہیں۔ دوسری جانب وفاقی حکومت نے یہ فیصلہ کیا تھا کہ عیدالاضحیٰ کے موقع پر حکومت کی جانب سے صرف ایک چھٹی دی جائے گی۔ آج نیوز کے مطابق حکومتی ذرائع کا کہنا ہے کہ پاکستان میں عیدالاضحیٰ 31 جولائی بروز جمعے کو ہونے کا امکان ہے جبکہ ہفتہ اور اتوار ویسے ہی چھٹی ہوتی ہے، اس صورت میں اضافی چھٹیاں نہیں دی جائیں گی۔ ذرائع کا کہنا ہے کہ سرکاری دفاتر اور اداروں میں عید کی اضافی چھٹیاں نہیں دی جائیں گی تاکہ غیرضروری سفر سے پرہیز کیا جاسکے اور کورونا کی وبا کو مزید پھیلنے سے روکا جاسکے۔ تاہم سندھ حکومت نے ان چھٹیوں میں مزید ایک روز کا اضافہ کردیا ہے اور اب یہ تین اگست تک ہونگی۔