Aaj TV News

BR100 4,439 Increased By ▲ 19 (0.44%)
BR30 22,677 Increased By ▲ 65 (0.29%)
KSE100 42,505 Increased By ▲ 170 (0.4%)
KSE30 18,046 Increased By ▲ 102 (0.57%)
COVID-19 TOTAL DAILY
CASES 288,047 747
DEATHS 6,162 9

لاہور سمیت پنجاب بھر میں وقفے وقفے سے موسلادھار بارشوں کاسلسلہ شروع ہوگیا ،جس کے باعث نشیبی علاقوں میں کھڑا پانی شہریوں کی مشکل بڑھارہا ہے،محکمہ موسمیات نے آئندہ 24گھنٹوں کے دوران مزید بارشوں کی پیشگوئی کردی۔

آسمان پر چھائے گہرے بادلوں نے صبح سویرے ایسی بارش برسائی کے جل تھل ایک ہوگیا،پنجاب بھر میں کہیں ہلکی اور کہیں تیز بارش نے موسم خوشگوار بنایا گرمی بھی کم ہوئی مگر نشیبی علاقے ایسے بھرے کے نظام زندگی درہم برہم ہوگیا۔

کہیں سڑکوں پر پانی کھڑا دیکھائی دیا تو کہیں دوکانیں اور گھر بھی پانی پانی ہوگئے، واسا اور ضلعی انتظامیہ کی ناقص کارکردگی سے سب ہی تنگ نظر آئے

سیالکوٹ ،گوجرانوالہ اور فیصل آباد سمیت دیگر اضلاع میں بھی بارش نے موسم خوشگوار بنایا تاہم محکمہ موسمیات نے مزید بارش کی پیشگوئی کردی ہے۔