Aaj TV News

BR100 4,439 Increased By ▲ 19 (0.44%)
BR30 22,677 Increased By ▲ 65 (0.29%)
KSE100 42,505 Increased By ▲ 170 (0.4%)
KSE30 18,046 Increased By ▲ 102 (0.57%)
COVID-19 TOTAL DAILY
CASES 288,047 747
DEATHS 6,162 9

سندھ حکومت نے لاک ڈاون پابندیاں ختم کردیں ۔ محکمہ داخلہ سندھ نے حکم نامہ جاری کردیا ہے۔سخت ایس او پی بھی جاری کردئیے ہیں۔ سندھ کورونا ٹاسک فورس کےفیصلوں کےتحت اعلامیہ جاری کردیا ہے۔

محکمہ داخلہ سندھ کی جانب سے جاری اعلامیے کے مطابق کاروباری سرگرمیوں کےنئے اوقات کار کا اعلان کیا ہے۔

ہفتے کےچھ روز تمام کاروباری سرگرمیاں جاری رہیں گی۔ سندھ میں کاروباری اوقات کار صبح چھ بجے سے رات آٹھ بجے تک ہوں گے۔ ہفتے کے روز سندھ میں کاروباری سرگرمیاں رات نوبجےتک ہوسکیں گی۔

اعلامیے کے مطابق سینما تھیٹرز، ہوٹلزاور ریسٹورینٹس پر عائد پابندیاں ختم کردی گئی ہیں۔ شادی ہالز اوراسکول 15ستمبر تک بند رہیں گے ۔

تمام کھیلوں کےمیدانوں میں مشروط سرگرمیوں کی اجازت ہوگی۔ شائقین کےبغیر کھیلوں کےٹورنامنٹس کا انعقادکیاجاسکےگا۔ سیاحتی مقامات پر پابندیاں ختم ٹورازم ہوٹلز میں رہائش کی اجازت دے دی ہے۔

بیوٹی پارلرز ،جم کھیل کےمیدانوں پر عائد پابندیاں اٹھالی گیئں۔ ہوٹلز ریسٹورینٹس میں بیٹھ کر کھانے کی اجازت دے دی گئی۔ہوٹلز ریسٹورینٹس ہفتے کےسات روز ایس اوپیز کےتحت ڈائن ان سروس فراہم کرسکیں گے۔

ہوٹلز ریسٹورینٹس ہفتے کےروز رات گیارہ بجے ڈائن ان سروس کرسکیں گے۔ ہوٹلز ریسٹورینٹس سے ہوم ڈیلیوری رات بارہ بجے ہوگی ۔