سابق وزیر اعلیٰ خیبر پختونخوا امیر حیدر ہوتی نے کہا ہے کہ حکومت نے آئی ایم ایف کے کہنے پر چار ہزار نو سو 63 ارب ہدف رکھا ہے، حکومت کو شرح سود کو چارفیصد پر لانا ہوگا، خیبر پختونخوا کو بجلی منافع نہ ملنے پر تشویش ہے۔ چمن میں ہونے والے دھماکہ افسوس ناک ہے۔

باچا خان مرکز پشاور میں پریس کانفرنس کرتے ہوئے اے این پی کے سینئر نائب صدر امیر حیدر خان ہوتی کا کہنا تھا کہ کورونا سے قبل سلیکڈ حکومت کی 19 ماہ حکومت میں اربوں روپے نان ٹیکس ریوینیو میں کمی آئی۔

ان کاکہنا تھا کہ مرکزی حکومت نئی این ایف سی کا کا فوری اعلان کریں، حکومت تجارتی سرگرمیوں کے لئے مغرب بارڈر کھول سکتے ہیں تو مشرق بارڈر کیوں نہیں۔

امیر حیدر ہوتی کا کہنا تھا کہ عمران خان کی حکومت کے غلط معاشی پالیسوں کی وجہ سے ملک میں معاشی بحران ہے ہر ایک طبقہ متاثر ہوا ہے۔

انہوں نے مزید کہا کہ ضم شدہ قبائلی اضلاع میں مالی ، تنظیمی اور قانونی معاملات کو حل کرنا چاہئیے۔ افغانستان امن مزاکرات چل رہے ہیں کوئی جرگہ کی خیر مقدم کرتے ہیں۔ افغانستان مزاکرات میں پاکستان مثبت سہولت کار کا کردار ادا کرے، چمن واقعہ افسوس ناک ہے، کچھ قوتیں دونوں ممالک کے درمیان معملات ٹھیک نہیں ہونا چاہتے۔