Aaj TV News

BR100 4,439 Increased By ▲ 19 (0.44%)
BR30 22,677 Increased By ▲ 65 (0.29%)
KSE100 42,505 Increased By ▲ 170 (0.4%)
KSE30 18,046 Increased By ▲ 102 (0.57%)
COVID-19 TOTAL DAILY
CASES 288,047 747
DEATHS 6,162 9

لاہور: مسلم لیگ (ن)کی نائب صدر مریم نواز آج غیرقانونی اراضی کیس میں نیب لاہور آفس میں پیش ہوں گی،مریم نوازپر رائیونڈ میں خلاف قانون اراضی سستے داموں خریدنے کا الزام ہے۔

قومی احتساب لاہور بیورو (نیب)نے نائب صدر مسلم لیگ (ن)مریم نواز سے مختلف موضع جات کی 1400کنال اراضی کی رسیدیں مانگی ہیں۔

سابق وزیراعظم کی صاحبزادی کو تمام دستاویزات 11اگست کو ہمراہ لانے کی ہدایت کی گئی ہے۔

نیب ذرائع کے مطابق رائیونڈاراضی کیس میں مریم نوازکے بعد نوازشریف اوردادی شمیم بیگم کو بھی شامل تفتیش کر لیا گیا ہے۔

نیب لاہور کی جانب سے مریم نواز سے پوچھا گیا ہے کہ زمین خریدنے کیلئےرقم کہاں سے آئی،اراضی کی خریداری پرکتنا ٹیکس اورکتنی ڈیوٹی دی،ایک ہزار400کنال میں سےاگرکوئی زمین فروخت کی گئی تواسکی تفصیلات بھی فراہم کریں۔بتایا جائے حاصل کی گئی زمین کس مقصد کیلئے استعمال کی جارہی ہے۔

پارٹی ذرائع کے مطابق مریم نواز نے قومی احتساب بیورو میں پیش ہونے کا فیصلہ کیا ہے۔

مریم نوازپر رائیونڈ میں خلاف قانون اراضی سستے داموں خریدنے کا الزام ہے،نیب نےمریم نوازسےایک ہزار440کنال اراضی پرجواب طلب کررکھا ہے۔