ڈیفنس میں کرنٹ لگنے سے نوجوان کی ہلاکت کے معاملے پر کے الیکٹرک کے ڈسٹریبیوشن ہیڈ عامر ضیا نے بھی ضمانت قبل از گرفتاری حاصل کرلی۔

مقامی عدالت نے دو لاکھ روپے کے مچلکوں کے عوض ضمانت منظور کی، عدالت نے پچیس اگست تک پولیس کو ملزم کی گرفتاری سے روکتے ہوئے ملزم کو پولیس تفتیش میں شامل ہونے کی ہدایت کی۔

ملزم عامر ضیا نے سندھ ہائی کورٹ سے حفاظتی ضمانت حاصل کررکھی تھی،سندھ ہائی کورٹ نے ایک ہفتے کے اندر متعلقہ عدالت سے رجوع کرنے کا حکم دیا تھا۔