وزیر اعظم پاکستان عمران خان 'دی مسلم 500' کی جانب سے ’مین آف دی ایئر‘ قرار دے دیے گئے۔ سال 2020 کی 500 با اثر مسلم شخصیات کی فہرست جاری کر دی گئی۔ میگزین 'دی مسلم 500' کی جانب سے وزیر اعظم عمران خان پانچ سو با اثر مسلمانوں کی فہرست میں مین آف دی ایئر قرار پائے ہیں۔

جاری کی جانے والی فہرست میں معروف عالمِ دین مولانا طارق جمیل اور مفتی محمد تقی عثمانی کا نام بھی شامل ہے۔

دوسری طرف ویمن آف دی ایئر کا اعزاز امریکی کانگریس کی خاتون مسلم رہنما راشدہ طالب کو دیا گیا ہے۔

دی مسلم فائیو ہنڈریڈ کی فہرست میں دنیا بھر سے مسلم شخصیات کو شامل کیا گیا ہے، جن میں سعوی عرب کے بادشاہ سلمان بن عبد العزیز، ولی عہد محمد بن سلمان، ترک صدر رجب طیب اردوان، ایران کے آیت اللہ خامنہ ای بھی شامل ہیں۔ با اثر مسلم شخصیات میں سنگاپور کی صدر حلیمہ یعقوب نے بھی جگہ بنا لی ہے، اسپورٹس، ٹیکنالوجی، سماجی و ثقافتی فہرست میں فٹ بالر محمد صلاح اور ملالہ یوسف زئی کو بھی شامل کیا گیا ہے۔