چین نے کہا ہے کہ بھارتی فوجیوں نے ہمالیہ کی متنازعہ سرحد کو غیرقانونی طور پر عبور کیا ہے اور گشت پر مامور فوجیوں پر اشتعال انگیز فائرنگ کی ہے۔

چینی فوج کے ترجمان کرنل ژینگ شوئیلی نے کہا کہ ان کے فوجیوں کو مجبوراً جوابی کارروائی کرنی پڑی۔

انہوں نے کہا کہ بھارتی فوجیوں نے پینگونگ سوجھیل کے جنوبی کنارے کے قریب پہاڑی علاقےشینپاؤ میں لائن آف ایکچوئل کنٹرول کو غیرقانونی طور پر پار کیا۔

انہوں نے کہا کہ بھارتی اقدام سے دونوں ممالک کے درمیان معاہدے کی سنگین خلاف ورزی ہوئی اور علاقے میں کشیدگی کو ہوا دی۔

انہوں نے بھارت پر زور دیا کہ وہ فوری طور پر یہ خطرناک کارروائیاں بند کرے۔

لائن آف ایکچوئل کنٹرول پار کرنے والے اہلکاروں کو واپس بلائے اور اشتعال انگیز فائرنگ کرنے والے اہلکاروں کو سزا دے۔

ریڈیو پاکستان