ڈالر کی قیمت میں دس روپے کمی کے باوجود اشیائے خوراک سمیت بیشتر اشیا کی قیمتوں میں کمی نہ ہوسکی۔

درآمدی بل تو کم ہوگیا، لیکن عوام کے لئے مہنگائی میں کوئی کمی نہ آئی۔

ڈالر مہنگا تو سب مہنگا لیکن ڈالر سستا ہوا تو کسی چیز کی قیمت کم نہ ہوئی۔

درآمدی بل کم ہوگیا لیکن دودھ، گھی تیل، ڈائپر، ادویات، کاسمیٹیکس اور موبائل فون سستے نہ ہوسکے۔

کراچی ریٹیلرز گروسرز ایسوسی ایشن کے چیئرمین فرید قریشی کے مطابق کمپنیز سے ہی مال مہنگا آرہا ہے، سستا کیسے بیچیں۔

رواں سال اگست میں ڈالر کی قیمت ایک سو اڑسٹھ روپے سے بھی اوپر تھی جو آج دس روپے کم ہوچکی ہے۔