اسرائیل کی فوج نے شام میں بشار الاسد انتظامیہ اور ایران کی پاسداران انقلاب فورسز سے منسلک 'قدس فورسز' کےفوجی اہداف پر فضائی حملہ کیا ہے۔

بین الاقوامی خبررساں ادارے کے مطابق اسرائیلی فوج کی طرف سے جاری کئے گئے تحریری بیان کے مطابق اسرائیلی جیٹ طیاروں نے قدس فورسز کے ڈپووں اور فضائی دفاعی سسٹمز سمیت 8 فوجی اہداف کو نشانہ بنایا۔

بیان کے مطابق یہ فضائی حملہ کل شام کی سرحد کی اسرائیلی طرف سے ملنے والے کثیر تعداد میں دھماکا خیز مواد کے جواب میں کیا گیا ہے۔

تاہم اسد انتظامیہ سے منسلک خبر رساں ایجنسی صنعاء کی فوجی ذرائع کے حوالے سے شائع کردہ خبر کے مطابق اسرائیل نے مقبوضہ گولان کی پہاڑیوں سے مقامی وقت کے مطابق سہ پہر 3 بج کر 11 منٹ پر دمشق کے جنوب میں انتظامیہ کے بعض فوجی مقامات پر فضائی حملہ کیا۔

واضح رہے کہ اسرائیلی فوج نے کل شام کی سرحد سے کثیر تعداد میں دھماکا خیز مواد ملنے کا اعلان کیا تھا۔