امریکی صدر ڈونلڈ ٹرمپ نے سائبر سیکیورٹی کے ملکی سربراہ کرسٹوفر کریبس کو ان کے عہدے سے برطرف کر دیا۔

بین الاقوامی خبررساں ادارے کے مطابق کریبس نے ڈونلڈ ٹرمپ کی طرف سے انتخابات میں فراڈ کے الزامات کی مخالفت کی تھی۔

ٹرمپ کی طرف سے جاری کی گئی ٹویٹ میں کہا گيا کہ کریبس کو فوری طور پر اس ذمہ داری سے الگ کر دیا گیا ہے۔

امریکی داخلی سلامتی کی وزارت کےايک حصے کےطورپرکام کرنےوالی سائبر سیکیورٹی ایجنسی نے تین نومبر کو ہونے والے انتخابات کو امریکی تاریخ کے محفوظ ترین انتخابات قرار دیا تھا۔

ٹرمپ ابھی تک جو بائیڈن کے مقابلے میں انتخابی شکست تسلیم کرنے کو تیار نہیں ہے۔