Aaj TV News

BR100 4,231 Decreased By ▼ -22 (-0.51%)
BR30 21,389 Decreased By ▼ -14 (-0.07%)
KSE100 40,807 Decreased By ▼ -224 (-0.55%)
KSE30 17,160 Decreased By ▼ -135 (-0.78%)

پاکستان پیپلزپارٹی کی نائب صدر سینیٹر شیری رحمان کہتی ہیں،شکر ہے کہ اپوزیشن کے جلسوں کے بہانے عمران خان کو کورونا کا خیال تو آیا،جب حکومت ہاتھ سے نکلنے لگی تو عمران خان کورونا کی صدائیں لگانے لگے۔

میڈیا سے بات چیت کرتے ہوئے شیری رحمان نےمزید کہا کہ اپوزیشن عمران خان اور کورونا دونوں سے عوام کو نجات دلائے گی،جس کورونا کو عمران خان معمولی زکام کہتے تھے، آج اس کا نام لے کر ڈرا رہے ہیں۔

شیری رحمان نے مزید کہا کہ عوام نے عمران خان کو تیور دکھائے تو انہیں کورونا یاد آگیا، کیا کورونا وائرس صرف اپوزیشن کے جلسوں سے پھیلتا ہے؟

پی پی رہنما کا کہنا تھا کہ وزیراعظم خود بھی عوامی مقامات پر ماسک پہن لیا کریں، جس تصویرمیں دیکھو، عمران خان بغیر ماسک کے نظر آتے ہیں، انھوں نے کہا کہ کورونا ایس او پی کا خیال رکھتے ہوئے اپوزیشن کے جلسے ہوں گے،