Aaj TV News

BR100 4,112 Decreased By ▼ -52 (-1.26%)
BR30 20,622 Decreased By ▼ -321 (-1.53%)
KSE100 39,633 Decreased By ▼ -555 (-1.38%)
KSE30 16,693 Decreased By ▼ -210 (-1.24%)

آج پشاور میں پی ڈی ایم کا پاور شو ہوگا۔ جلسے کی تیاریاں مکمل کرلی گئی ہیں۔ سیکیورٹی انتظامات کی وجہ سے کئی اہم شاہراہیں بند کردی گئیں۔

پشاور میں کورونا کے بڑھتے کیسز پر انتظامیہ نے جلسے کی اجازت دینے سے انکار کردیا۔ اپوزیشن نے انتظامیہ کے فیصلے کو مسترد کرتے ہوئے ہر صورت جلسے کا اعلان کیا۔

ن لیگ خیبرپختونخوا کے صدر امیر مقام بولے ہمیں اجازت کی کوئی ضرورت نہیں، حکومت کو مانتے ہی نہیں ہیں۔

پیپلزپارٹی کے صوبائی جنرل سیکریٹری احمد کریم کنڈی نے کہا کچھ بھی ہوجائے جلسہ تو ہوگا۔

خیبرپختونخوا حکومت کے وزرا نے جلسے میں تو رکاوٹ نہ ڈالنے کا عندیہ دیدیا لیکن ساتھ یہ بھی کہہ دیا کہ جلسے کے بعد کورونا کی صورتحال بگڑی تو ایکشن ہوگا۔

حکومت اور اپوزیشن کی تکرار میں خطرہ عوام کی زندگیوں کو ہے، جس کی ذمہ داری کوئی بھی لینے کو تیار نہیں ہے۔