Aaj TV News

BR100 4,112 Decreased By ▼ -52 (-1.26%)
BR30 20,622 Decreased By ▼ -321 (-1.53%)
KSE100 39,633 Decreased By ▼ -555 (-1.38%)
KSE30 16,693 Decreased By ▼ -210 (-1.24%)

سابق وزیراعظم میاں نواز شریف اور سابق وزیراعلیٰ پنجاب شہباز شریف کی والدہ بیگم شمیم اختر انتقال کرگئی ہیں۔

مسلم لیگ (ن) کے رہنما عطا تارڑ نے نواز شریف کی والدہ کے انتقال کی تصدیق کردی ہے۔

نواز شریف کے بیٹے حسین نواز نے بھی تصدیق کی ہے کہ ان کی دادی انتقال کر گئی ہیں۔

حسین نواز کے مطابق آج صبح وہ نماز کے لیے اُٹھیں تو ان کی طبیعت خراب ہوئی، جس پر انہیں ہسپتال پہنچایا گیا جہاں وہ اسی بیماری کے باعث انتقال کر گئیں۔

اس حوالے سے سینیئر رہنما پاکستان مسلم لیگ نواز عطاء اللہ تارڑ نے ٹوئٹر پر اپنے پیغام میں بھی تصدیق کی ہے۔

مسلم لیگ (ن) لیگ کی رہنما عظمیٰ بخاری نے بیگم شمیم اختر کے انتقال کو بہت بڑا صدمہ قرار دیا ہے۔

ان کا کہنا ہے کہ مریم نواز کو دادی کے انتقال کی اطلاع دے دی گئی ہے۔

عظمیٰ بخاری بتایا کہ بیگم شمیم اختر کی میت لاہور لائی جائے گی، ان کی تدفین پاکستان میں ہی ہوگی۔

دوسری جانب پاکستان پیپلز پارٹی کے چئیرمین بلاول زرداری نے بیگم شمیم اختر کے انتقال پر تعزیت کرتے ہوئے گہرے دکھ کا اظہار کیا ہے۔