Aaj TV News

BR100 4,855 Increased By ▲ 19 (0.39%)
BR30 24,780 Increased By ▲ 335 (1.37%)
KSE100 45,903 Increased By ▲ 177 (0.39%)
KSE30 19,153 Increased By ▲ 133 (0.7%)

سابق وزیراعظم نوازشریف اور اپوزیشن لیڈر شہبازشریف کی والدہ گزشتہ روز انتقال کرگئیں، جس کی اطلاع گھنٹوں تاخیر سے مریم نواز کو ملی اور اب اس تاخیر کی وجہ بھی سامنے آگئی ۔

مریم نواز نے ٹوئٹر پر بتایا کہ "میاں صاحب کے سر سے ماں کا دعاوں بھرا سایہ اٹھ گیا۔ دادی کے انتقال کی خبر مجھے فون سروسز معطل ہونے کی وجہ سے دو گھنٹے تاخیر سے ملی جس کے بعد میں فورا لاہور کی لیے روانہ ہو گئی۔ میرے والد اور گھر والے بار بار رابطے کی کوشش کرتے رہے مگر رابطہ نہ ہو سکا"۔

انہوں نے مزید لکھا کہ "کسی حکومتی شخص میں اتنی انسانیت نہیں تھی کہ مجھ تک دادی کی وفات کی اطلاع پہنچا دیتے۔ میں نے میاں صاحب کو درخواست کی ہے کہ بالکل واپس نا آئیں۔ یہ ظالم اور انتقام میں اندھےلوگ ہیں جن سے کسی بھی قسم کی انسانیت کی توقع نہیں"۔

اس پروفاقی وزیر اطلاعات و نشریات سینیٹرشبلی فراز نے کہا ہے کہ مریم نواز کو بیگم شمیم اختر کے انتقال کی خبر اُن کی فیملی اور پارٹی نے دینی تھی ،یہ حکومت کی ذمہ داری نہیں ہے۔