عالمی بینک پاکستان کو تعلیم کے ایک منصوبے میں کورونا سے نمٹنے کےلئے علاج کی مد میں ایک کروڑ 98 لاکھ 50 ہزار ڈالر فراہم کرے گا۔

اس سلسلے میں بدھ کو اسلام آباد میں اقتصادی امور کے وزیر مخدوم خسرو بختیار کی موجودگی میں سیکریٹری اقتصادی امور نور محمد اور عالمی بینک کے کنٹری ڈائریکٹر Najy Benhassine نے ایک معاہدے پر دستخط کئے۔

منصوبے کا مقصد قلیل مدت کےلئے تعلیم کے شعبے میں کورونا وائرس کے بحران سے نمٹنے اور علاج کےلئے وفاقی اور صوبائی حکومتوں کے اقدامات کو مضبوط کرنا اور مدد فراہم کرنا ہے۔

منصوبےسےسماجی فاصلےکو جاری رکھنے کے بارے میں معلومات کی فراہمی کو توسیع دینے کے ذریعے ملک میں معلومات کی فراہمی کے عمل کو یقینی بنانے اور دوردراز علاقوں میں معلوماتی مواد تقسیم کرنے میں حکومت کو مدد ملے گی۔

ریڈیو پاکستان