کراچی کی مختلف تاجر تنظیموں نے کل سندھ بھر میں مارکیٹس کھولنے کا اعلان کردیا، سندھ تاجر اتحاد کے چیئرمین جمیل پراچہ کا کہنا ہے کہ کیا کورونا 6 بجے کے بعد سڑکوں پر نکلتا ہے، کل جمعہ کو ہر حال میں دکانیں کھولیں گے اور کاروبار رات آٹھ بجے تک جاری رکھیں گے، اگر مزاحمت کی تو دھرنا دے کر بیٹھ جائیں گے۔

کراچی میں تاجر تنظیموں کا مشترکہ پریس کانفرنس میں کل بروز جمعہ کاروبار کھولنے کا اعلان، کہا کہ کاروباری اوقات کار رات 8 بجے تک ہونگے، اگر زبردستی دکانیں بند کرانے کی کوشش کی گئی تو دھرنا دینگے۔

تاجروں نے کہا کہ سندھ کا قانون ملک بھر سے الگ کیوں ہے، ملک بھر میں کاروبار رات 8 بجے تک کھولنے کی اجازت ہے تو سندھ میں کیوں نہیں، کیا کورونا شام 6 بجے کے بعد ہی نکلتا ہے۔

تاجروں نے مطالبہ کیا ہے شادی ہالز کو بھی رات 11 بجے تک کھولنے کی اجازت دی جائے، تاجروں نے کہا کہ سندھ حکومت پولیس اور تاجروں کا لڑانا چاہتی ہے، آئی جی سندھ نوٹس لیں۔