نواز شریف کے اشتہارات چسپاں کرنے والے ایف آئی اے اور وزارت خارجہ کے افسران عدالت طلب
اسلام آباد ہائیکورٹ نے نواز شریف کے اشتہارات چسپاں کرنے والے ایف آئی اے اور وزارت خارجہ کے افسران کو دو دسمبر کو طلب کر لیا، ہائی کورٹ نے گزشتہ سماعت کا تحریری حکم نامہ جاری کر دیا۔
العزیزیہ اور ایون فیلڈ ریفرنسز میں نوازشریف کی سزا کیخلاف اپیلوں پر سماعت ہوئی، جس میں جسٹس عامرفاروق، جسٹس محسن کیانی نے حکمنامہ جاری کیا۔
عدالت نے اشتہار چسپاں کرنے والے ایف آئی اے افسران 2 دسمبر کو طلب کرلیا، جبکہ اشتہار برطانیہ بھیجنے والا وزارت خارجہ کا افسر بھی طلب کرلیا گیا۔
عدالت کے مطابق نوازشریف کے اشتہارات اخبارات میں شائع کیے گئے، نواز شریف کی رہائش، اہم مقامات پر اشتہار چسپاں کیا گیا، نوازشریف نے لندن میں طلبی اشتہار وصول کیا۔
اشتہاری قرار دینے کا فیصلہ گواہوں کے بیانات کے بعد ہوگا۔
Comments are closed on this story.