وزیراعلیٰ پنجاب عثمان بزدار کہتے ہیں کہ موجودہ حالات میں اپوزیشن جماعتوں کا رویہ مایوس کن ہے۔ پی ڈی ایم جلسوں کے ذریعے عوام کی زندگیوں سے کھیلا جارہا ہے۔ منفی سیاست کرنے والے ہوش کے ناخن لیں۔

وزیراعلیٰ پنجاب عثمان بزدار نے اپنے بیان میں کہا ہے کہ عوام کے تعاون سے کورونا کی حالیہ وباء پربھی قابو پائیں گے- ماضی کے حکمرانوں نے شعبہ صحت کو یکسر نظر انداز کیا-

عثمان بزدار کا کہنا تھا کہ اپوزیشن محض اپنی سیاست چمکانے کیلئے بیان بازی کر رہی ہے- دکھی انسانیت کی خدمت محض بیانوں سے نہیں ہوتی بلکہ مشکل وقت میں عوام کے ساتھ کھڑا ہونا پڑتا ہے-

عثمان بزدار کا مزید کہنا تھا کہ تحریک انصاف کی حکومت آزمائش کی گھڑی میں عوام کے شانہ بشانہ کھڑی ہے- حکومت کورونا ایس او پیز پر سختی سے عملدرآمد کرائے گی۔ ایس او پیز کی خلاف ورزی پر قانون حرکت میں آئے گا۔