ہمارا مقابلہ ایسی سیاسی قیادت سے ہے جو کبھی جمہوری جدوجہد سےنہیں گزری، وزیراعظم
اسلام آباد:وزیراعظم عمران خان نے اپوزیشن پر کڑی تنقید کرتے ہوئے کہا ہے کہ ہمارا مقابلہ ایسی سیاسی قیادت سے ہے جو کبھی جمہوری جدوجہد سے نہیں گزری،ہماری سیاسی قیادت عام شہریوں کو درپیش مشکلا ت کو سمجھنے سے قاصر ہے، ان کا واحد مقصد اپنے خاندانوں کی لوٹی ہوئی دولت اور کرپشن کو بچانا ہے،این آر او حاصل کرنے کلئے یہ کسی بھی حد تک جا سکتے ہیں، لیکن کبھی کامیاب نہیں ہوں گے۔
سماجی رابطے کی ویب سائٹ ٹوئٹر پر اپنے ٹویٹ میں وزیراعظم عمران خان کا کہنا تھا کہ ہماری سیاسی قیادت نے عام شہریوں کی بہتری کلئے کسی بھی اہم کام میں کبھی حصہ نہیں لیا، اپنے خاندانوں کیلئے لوٹی دولت بچانا ان کا واحد مایوس کن مقصد ہے، ان “قائدین” کو عوام کے ساتھ کوئی ہمدردی نہیں۔
Problem confronting us in Pak during COVID 19 is of a political leadership that has never gone through any democratic struggle, nor worked with ordinary citizens to understand the problems they confront, nor contributed in any substantive way for betterment of ordinary citizens.
— Imran Khan (@ImranKhanPTI) November 29, 2020
عمران خان نے مزید کہا کہ اپوزیشن کا واحد مقصد اپنے خاندانوں کی لوٹی ہوئی دولت اور کرپشن کو بچانا ہے، انہوں نے قومی دولت لوٹ کر عوام کو مزید غریب بنایا، اپوزیشن کے نام نہاد “لیڈرز” بڑے محلوں میں شاہانہ زندگی گزار رہے ہیں، ان کو یہ منصب بھی ورثے میں ملا ہے۔
They think this is their last means of pressuring us for NRO - which will never happen. Having never worked a day in their lives, their "shahi" lifestyles are directly dependent on saving their families ill-gotten, illegally acquired wealth through robbing & impoverish the nation
— Imran Khan (@ImranKhanPTI) November 29, 2020
وزیراعظم نے کہا کہ جب ہم نے غریب لوگوں کے روزگار اور معیشت کو تباہی سے بچانے کلئےڑ اسمارٹ لاک ڈاؤن کیا تو ان لیڈرز نے مکمل لاک ڈاؤن کا مطالبہ کیا، کورونا کی نئی لہر میں دوبارہ اسمارٹ لاک ڈاؤن کی ضرورت ہے تو یہ جلسے کرنا چاہتے ہیں، یہ سمجھتے ہیں این آر او کلئے ہم پر دباؤ ڈالنے کا یہ آخری موقع ہے لیکن یہ این آر او حاصل کرنے میں کبھی کامیاب نہیں ہوں گے۔
So, when we did smart lockdown to save our poor from becoming destitute & save economy from total collapse, these "leaders" opposed & demanded complete lockdown. Now, with new spike, when we again need smart lockdown, they want jalsas not caring for the lives & safety of people
— Imran Khan (@ImranKhanPTI) November 29, 2020
Comments are closed on this story.