Aaj TV News

BR100 4,910 Increased By ▲ 27 (0.55%)
BR30 25,363 Increased By ▲ 243 (0.97%)
KSE100 46,287 Increased By ▲ 200 (0.43%)
KSE30 19,259 Increased By ▲ 93 (0.49%)

گلوکارعلی ظفر کی جانب سے ہرجانہ کیس میں میشا شفیع کی گواہ اداکارہ عفت عمر نے اپنے بیان میں معروف رائٹر خلیل الرحمان قمر کو بدیانت قرار دے دیا۔

سیشن کورٹ میں کیس کی سماعت شروع ہوئی تو علی ظفر کے وکیل نے میشا شفیع کی گواہ اداکارہ عفت عمر پر جرح کی۔

عفت عمرسے جب خلیل الرحمان قمر کے متعلق سوال پوچھا گیا تو انہوں نے کہا وہی خلیل الرحمان قمر جو خواتین سے متعلق بری زبان استعمال کرتے ہیں۔

انہوں نے کہا کہ میشا شفیع اور ان کے شوہر پر گلوکار فرہاد ہمایوں نے چوری کا جو مقدمہ درج کروایا وہ بھی جھوٹا لگتا ہے۔

سماعت کے دوران عفت عمر نے طبیعت خراب ہونے پر عدالت سے کچھ دیر کارروائی روکنے کی استدعا کی۔ جس پر سماعت میں کچھ دیر وقفہ کیا گیا۔

سماعت کےبعد علی ظفر کے وکیل ہشام یوسف کا کہنا تھا کہ میشا شفیع جان بوجھ کر کیس کو لٹکا رہی ہیں۔ وہ بہانہ بناتی ہیں کہ پاکستان سے باہر ہیں جبکہ وہ ملک میں آکر پروگرام ریکارڈ کرواتی ہیں مگر عدالت نہیں آتیں۔

عفت عمر کا کہنا تھا سوشل میڈیا پر کمپین سے انہیں لگا میشاشفیع سچی ہے۔ان کا علی ظفر سے کوئی جھگڑا نہیں۔