لاہور: ایف آئی اے نے معروف گلوکار علی ظفر کے خلاف سوشل میڈیا مہم کے مقدمہ کا چالان پراسیکیوشن کے پاس جمع کروا دیا، ایف آئی اے نے گلوکارہ میشا شفیع اور اداکارہ عفت عمر سمیت دیگر کو قصور وار قرار دے دیا۔

ایف آئی اے کی جانب سے دائر چالان میں گلوکارہ میشا شفیع اور ادکارہ عفت عمر سمیت 8 ملزمان کو قصور وار ٹہرا دیا گیا۔ چالان میں آٹھ ملزمان کو نامزد کیا گیا ہے۔

چالان میں کہا گیا ہے کہ گلوکارہ میشا شفیع سمیت دیگر ملزمان نے علی ظفر کے خلاف سوشل میڈیا پر جنسی ہراسگی کے الزامات عائد کئے، ملزمان اپنے الزامات کے حق میں کوئی شواہد پیش نہ کرسکے۔

علی ظفر نے اپنے خلاف سوشل میڈیا پر کاروائیوں سے متعلق درخواست دائر کی۔ انہوں نے فیس بک اور ٹوئٹر سمیت دیگر سوشل سائٹس پر اپنے خلاف ہونے والی کمپین سے متعلق درخواست دی۔

گلوکار نے درخواست کے ساتھ ٹوئٹر اکاؤنٹس اور میسجز بھی پیش کئے۔ پراسکیوشن کی 2 رکنی ٹیم سائبر کرائم چالان کا جائزہ لے گی۔

واضح رہے کہ پراسکیوشن کمیٹی جائزہ لینے کے بعد چالان کو عدالت میں جمع کروائے گئی۔