Aaj TV News

BR100 4,607 Decreased By ▼ -61 (-1.3%)
BR30 20,274 Decreased By ▼ -618 (-2.96%)
KSE100 44,629 Decreased By ▼ -192 (-0.43%)
KSE30 17,456 Decreased By ▼ -66 (-0.38%)
COVID-19 TOTAL DAILY
CASES 1,265,047 663
DEATHS 28,280 11
Sindh 465,819 Cases
Punjab 437,974 Cases
Balochistan 33,128 Cases
Islamabad 106,469 Cases
KP 176,886 Cases

پاکستانی اداکارہ و گلوکارہ تارا محمود کا شوبز انڈسٹری میں اپنا ایک مقام ہے، لیکن وزیرتعلیم شفقت محمود کی بیٹی کے تعارف سے ان کو مزید شہرت حاصل ہوگئی ہے۔

گلوکارہ تارا محمود نے 2004 میں اپنے فنی کیریئر کا آغاز کیا اور "میرے نام"، "تجھے پتا تو چلے" اور "آئے نا" جیسے گانے گائے جو اس وقت مقبول بھی ہوئے۔

تارا محمود نے 2012 میں "سیڈلنگز" اور 2013 میں ریلیز ہونے والی "گُڈ مارننگ کراچی" میں بھی اداکاری کی تھی۔

تارا محمود نے مختلف ڈراموں میں بھی اداکاری کی جن میں "محبت صبح کا ستارہ ہے"، "دیارِ دل" اور "جیکسن ہائٹس" شامل ہیں۔

انہوں نے ڈرامہ "سنو چندا" اور اس کے سیکول "سنو چندا 2" میں بھی اداکاری کے جوہر دکھائے ۔ وہ "دیوار شب" اور "رازِ الفت" جیسے مقبول ڈراموں کا بھی حصہ بنیں۔

آج کل تارا محمود ڈراما سیریل "ڈنک" میں مسز انجم نامی خاتون کا کردار ادا کررہی ہیں، خیال رہے کہ ٰیہ ڈرامہ موضوع بحث بھی بنا ہوا ہے۔

تارا محمود کی اداکاری سے تو سب ہی واقف ہیں لیکن مداحوں کی اکثریت کو یہ معلوم نہیں تھا کہ ان کا تعلق پاکستان کی کس معروف شخصیت سے ہے۔

لیکن سوشل میڈیا پر وائرل تصاویر سے یہ راز افشا ہوچکا ہے کہ وہ پاکستان تحریک انصاف (پی ٹی آئی) کے رہنما اور وفاقی وزیر تعلیم شفقت محمود کی بیٹی ہیں۔

یاد رہے کہ وائرل ہونے والی یہ تصویر اصل میں تارا محمود کی جانب سے والد کی سالگرہ پر پوسٹ کی گئی تھی۔ یہ تصویر تارا محمود نے 19 فروری 2020 کو وزیر تعلیم شفقت محمود کی سالگرہ پر شیئر کی تھی اور ساتھ ہی انہیں جنم دن کی مبارکباد بھی دی تھی۔