صدر مملکت ڈاکٹر عارف علوی نے نظم ونسق کی بہتری کےلئے موجودہ شہروں کو اسمارٹ شہروں میں تبدیل کرنے پر زوردیا ہے۔

پیرکو اسلام آبادمیں اسمارٹ شہر منصوبےکے ایک اجلاس کی صدارت کرتے ہوئے ان کا کہنا تھا کہ نظم ونسق،تعلیم اور دیگر شعبوں میں جدید ٹیکنالوجی اور ڈیٹا بیس کے استعمال سے عوام کا معیار زندگی بلند کیاجاسکتا ہے۔

صدر عارف علوی نے کہاکہ ڈیجیٹل انقلاب شہریوں کا معیار زندگی بہتر بنانے کےلئے ایک شاندار موقع ہے۔

اجلاس کو بتایاگیا کہ شہروں کو اسمارٹ سٹیز میں تبدیل کرنے کےلئے ماہرین کی ایک ٹیم تشکیل دی گئی ہے۔

اجلاس کو بتایاگیاکہ خصوصی شعبوں میں تحقیق اور ترقی کےلئے خصوصی قومی مراکز قائم کیے گئے ہیں جو مصنوعات کی موثرترسیل اورسائبرجرائم کی تحقیقات میں مدد دیںگے۔

ریڈیو پاکستان