وفاقی وزیرداخلہ شیخ رشیداحمد کہتے ہیں کہ تمام اتحادی جماعتوں نےوفاقی دارالحکومت سےسینیٹ کی نشست کےلئےتحریک انصاف کے امیدوار عبدالحفیظ شیخ کومکمل حمایت کی یقین دہانی کرائی ہے۔

ارکان قومی اسمبلی،گرینڈڈیموکریٹک الائنس کے غوث بخش مہر،بلوچستان عوامی پارٹی کے خالدمگسی اورزبیدہ جلال کے ہمراہ ہنگامی طورپربلائی گئی پریس کانفرنس میں انہوں نے کہاکہ عبدالحفیظ شیخ کل بھاری اکثریت سے کامیابی حاصل کریںگے۔

انہوں نے کہاکہ پنجاب کی تمام سیاسی جماعتوں نے سینیٹ انتخابات کے بارے میں ایک اچھا فیصلہ کیاہے اور امیدظاہرکی کہ خیبرپختونخوا اور بلوچستان میں بھی یہی عمل دہرایاجائے گا۔

ریڈیو پاکستان