Aaj TV News

BR100 4,597 Increased By ▲ 11 (0.24%)
BR30 17,781 Increased By ▲ 212 (1.21%)
KSE100 45,018 Increased By ▲ 192 (0.43%)
KSE30 17,748 Increased By ▲ 82 (0.46%)
COVID-19 TOTAL DAILY
CASES 1,360,019 6,540
DEATHS 29,077 12
Sindh 520,415 Cases
Punjab 460,335 Cases
Balochistan 33,855 Cases
Islamabad 115,939 Cases
KP 183,865 Cases

اسلام آباد:وفاقی وزیرداخلہ شیخ رشید نے انکشاف کیا ہے کہ افغانستان سے تحریک طالبان پاکستان دوبارہ منظم ہو رہی ہے،ملک میں ایک بار پھر دہشتگردی کے خطرات ہیں۔

وفاقی وزراء شیخ رشید اور اسدعمر نے پمزاسپتال میں گزشتہ روز حملے میں زخمی پولیس اہلکاروں سے ملاقات کر کے خیریت دریافت کی۔

میڈیاسےگفتگو کرتےہوئے وفاقی وزیرداخلہ شیخ رشید کا کہنا تھا کہ کل راولپنڈی اور اسلام آبادمیں دہشتگردی کے 2واقعات ہوئے، افواج پاکستان اورپولیس نےجانوں کانذرانہ پیش کرکے امن قائم کیا،زندگی کا کوئی معاوضہ نہیں ہے تاہم شہداء کے لواحقین کے ساتھ پورا تعاون کیا جائے گا۔

شیخ رشید کا کہنا تھا کہ پولیس اورفوج امن و امان قائم کرتی ہے، کل بھی فوج نے5دہشتگردوں کوہلاک کیاہے،ملک میں دوبارہ کالعدم ٹی ٹی پی منظم ہورہی ہے،ملک میں دوبارہ دہشتگردی کےخطرات ہیں ،دہشتگرد شکست کھائیں گےاورملک میں امن وسکون کی فضا قائم ہوگی۔

وزیر داخلہ نے مزید کہا کہ اسلام آباد میں 3 ناکے ختم کریں گے، سارے ناکے فضول اور غریبوں کو تنگ کرتے تھے،گزشتہ روز جوپارلیمنٹ کےباہرہواقابل مذمت ہے،قائدئن کو بھی پریس کانفرنس کیلئےمناسب جگہ کا انتخاب کرناچاہیئے تھا۔

پولیس پرحملے کا مقدمہ تھانہ سی ٹی ڈی میں درج

دوسری جانب پولیس پرحملے کا مقدمہ تھانہ سی ٹی ڈی میں زخمی سب انسپکٹر محمد جمیل کی مدعیت میں درج کرلیا گیا ، مقدمے میں قتل اوردہشتگردی کی دفعات شامل کی گئیں ہیں۔

مقدمے میں بتایا گیاکہ پیٹرولنگ ڈیوٹی کے دورا ن 2موٹرسائیکل سواروں نے فائرنگ کی ، جس سے تینوں اہلکارزخمی ہوگئے ۔

زخموں کی تاب نہ لاتے ہوئے شہید ہونے والے ہیڈ کانسٹیبل قاسم کی نماز جنازہ آبائی گاؤں سرگودھا میں ادا کردی گئی۔

پولیس کے چاک وچوبند دستے نے شہید کو گارڈ آف آنرپیش کیا ، شہید نے سوگواران میں ایک بیٹا اور دو بیٹیاں چھوڑی ہیں۔