Aaj TV News

BR100 4,381 Decreased By ▼ -20 (-0.46%)
BR30 16,863 Decreased By ▼ -630 (-3.6%)
KSE100 43,233 Decreased By ▼ -1 (-0%)
KSE30 16,718 Increased By ▲ 20 (0.12%)
COVID-19 TOTAL DAILY
CASES 1,286,453 431
DEATHS 28,761 8
Sindh 476,494 Cases
Punjab 443,379 Cases
Balochistan 33,491 Cases
Islamabad 107,848 Cases
KP 180,254 Cases

کراچی کے علاقے اورنگی ٹاون میں سندھ رینجرز نے پولیس کے ہمراہ کارروائی کرتےہوئے قتل اور اغواء کے کیس میں ملوث 3ملزمان کو گرفتار کرلیا ۔

ترجمان سندھ رینجرز کے مطابق انٹیلی جنس معلومات کی بنیاد پر اورنگی ٹاون میں رینجرز اور پولیس نے کارروائی کی، جس کے دوران قتل اور اغوا ءکے کیس میں ملوث 3ملزمان محمد عارف، محمد عرفان اور عبدالکریم کو گرفتارکیا گیا۔

ترجمان کے مطابق 12 جنوری 2021 کو مقتول سعید نور کو خالی پلاٹ میں بلواکر ملزمان نے قتل کیا،ملزمان واردات کے بعد جائے وقوعہ سے فرار ہوگئے تھے، واقعے کے تیسرے روز مقتول کے والد نے بیٹے کی گمشدگی کی ایف آئی آر تھانہ ڈاکس میں درج کرائی تھی،مقتول کی لاش 15 جنوری کو برآمد کی گئی، تکنیکی ثبوت اور انٹیلی جنس معلومات کی بنیاد پر قتل میں ملوث تینوں ملزمان کو گرفتار کرلیا گیا۔

ابتدائی تفتیش میں ملزمان نے انکشاف کیا کہ ملزم عارف کے ایک لڑکے کے ساتھ ناجائز تعلقات تھے ،جس کا مقتول سعید نور کو علم تھا اس نے یہ خبر مذکورہ لڑکے کے والد کو بتائی تھی۔

ترجمان رینجرز کے مطابق ملزم عارف نے اس کا بدلہ لینے کیلئے دیگر ساتھیوں کے ساتھ ملکر سعید نور کو گولی مار کر قتل کیا تھا، ملزمان کو قانونی کارروائی کیلئے پولیس کے حوالے کردیا گیا ۔