روس کے نائب وزیر خارجہ سرگئے ریابکوف نے کہا ہے کہ امریکا،روس اور کریمیا سے دُور رہے۔
موجودہ حالات میں یوکرائن-روس سرحد پر تناؤ میں اضافہ ہو رہا ہے جبکہ امریکا کی طرف سے بحیرہ اسود میں 2 جنگی بحری جہازوں کی صف آرائی کی توقع کی جارہی ہے۔
غیر ملکی خبررساں ادارےکےمطابق ریابکوف نے مذکورہ اقدام کو اشتعال انگیز قرار دیتے ہوئے کہا ہے کہ امریکی بحری جہازوں کا ہمارے ساحلوں کے قریب کوئی کام نہیں ہے۔ یہ مکمل طور پر اشتعال انگیز کاروائی ہے۔ یہ ہماری طاقت کو آزما رہے ہیں اور ہمارے صبر کا امتحان لے رہے ہیں لیکن کامیاب نہیں ہو سکیں گے۔
نائب وزیر خارجہ سرگئے ریابکوف نے حالات بگڑنے کے قوی خطرے کا ذکر کرتے یوئے امریکا کو روس اور کریمیا سے دُور رہنے کی وارننگ دے دی۔
Comments are closed on this story.