Aaj TV News

BR100 4,846 Increased By ▲ 46 (0.97%)
BR30 24,817 Increased By ▲ 124 (0.5%)
KSE100 45,175 Increased By ▲ 231 (0.51%)
KSE30 18,470 Increased By ▲ 87 (0.47%)
COVID-19 TOTAL DAILY
CASES 854,240 4109
DEATHS 18,797 120
Sindh 290,756 Cases
Punjab 316,334 Cases
Balochistan 23,186 Cases
Islamabad 77,684 Cases
KP 123,150 Cases

بالی ووڈ اداکار جمی شیرگل اور نیشنل ایوارڈ یافتہ فلم ڈائریکٹر ایشور نیواس سمیت 35 افراد کے خلاف کورونا وائرس پروٹوکولز کی خلاف ورزی پر مقدمہ درج کرلیا گیا ہے۔

بھارتی میڈیا رپورٹس کے مطابق ایشور نیواس جمی شیرگل اور عملے کے اراکین لدھیانہ میں ایک ویب سیریز کی شوٹنگ کر رہے ہیں۔

رپورٹس کے مطابق متعلقہ پولیس اسٹیشن کے ایک سب انسپکٹر نے بتایا کہ تقریباً 150 افراد اسکول میں شوٹنگ کے لیے موجود ہیں، جو رات میں تقریباً 8 بجے بھی شوٹنگ میں مصروف تھے۔

خیال رہے کہ بھارتی ریاست پنجاب میں کورونا وائرس کے عدم پھیلاؤ کے لیے لاک ڈاؤن کا نفاذ کیا گیا ہے جو شام 6 بجے سے صبح 5 بجے تک ہوتا ہے۔

شوٹنگ جس اسکول میں جاری تھی اس کے ہیڈ ماسٹر کا کہنا تھا کہ فلم کے عملے نے انھیں کہا تھا کہ انھوں نے شوٹنگ کے لیے کمشنر سے اجازت لی ہوئی ہے، اور اجازت نامہ دکھانے کے بعد میں نے انھیں شوٹنگ کی اجازت دی۔

اس حوالے سے پروڈکشن ٹیم کا کہنا ہے کہ انھوں نے لدھیانہ پولیس سے شوٹنگ کے لیے 23 اپریل سے لے کر 2 مئی تک کی اجازت لی ہوئی تھی۔