Aaj TV News

BR100 4,979 Decreased By ▼ -47 (-0.94%)
BR30 24,460 Decreased By ▼ -313 (-1.26%)
KSE100 46,636 Decreased By ▼ -284 (-0.61%)
KSE30 18,480 Decreased By ▼ -178 (-0.95%)
COVID-19 TOTAL DAILY
CASES 1,218,749 2,928
DEATHS 27,072 68
Sindh 448,658 Cases
Punjab 419,423 Cases
Balochistan 32,707 Cases
Islamabad 103,720 Cases
KP 170,391 Cases

چین نے اپنی تیار کردہ کورونا ویکسین "سائنو ویک" کو بچوں کے لیے محفوظ اور مؤثر قرار دیے دیا ہے۔ جس کے بعد چین میں تین سے سترہ سال کے بچوں کو بھی ہنگامی طور پر سائنوویک ویکسین لگانے کی اجازت دے دی گئی ہے۔

فیز I اور II کے کلینیکل ٹرائلز کے ابتدائی نتائج سے معلوم ہوا کہ ویکسین تین سے 17 سالہ شرکاء میں مدافعتی ردعمل کو متحرک کرسکتی ہے اور اس کے انتہائی منفی رد عمل ہلکے تھے۔

سائینو ویک نے فیز II کے کلینیکل ٹرائل بھی مکمل کرلیے ہیں، جہاں شرکا نے دو باقاعدہ شاٹس مکمل کرنے کے بعد تیسری بوسٹر خوراک کا ٹیکہ لگایا۔

تاہم کمپنی کی جانب سے خبردار کیا گیا ہے کہ اس سے قبل کہ تیسری خوراک کے بارے میں حکام کو سفارش کی جائے۔ سائنوویک کو اب بھی اینٹی باڈی کی مدت کا طویل مدتی مشاہدہ مکمل کرنے کی ضرورت ہے۔

دوسری جانب برطانوی ادارہ صحت نے بھی کورونا وائرس سے بچاؤ کی ویکسین فائزر، بائیو این ٹیک کو محفوظ اور مؤثر قرار دیتے ہوئے 12 سے 15 برس کے بچوں کے لیے استعمال کی اجازت دے دی۔

برطانیہ کی میڈیسنز اینڈ ہیلتھ کیئر پروڈکٹس ریگولیٹری ایجنسی (ایم ایچ آر ای) نے کہا کہ انہوں نے نوعمر افراد میں ویکسین کی افادیت کا سخت جائزہ لیا ہے۔

واضح رہے پاکستان میں بھی چین کی ویکسین سائنو ویک اور سائنو فارم لگائی جارہی ہے۔ قومی ایئر لائن پی آئی اے کا خصوصی طیارہ کورونا وائرس کی ویکسین کی مزید 10 لاکھ خوراکیں لے کر پاکستان پہنچ گیا ہے۔

نیشنل کمانڈ اینڈ آپریشن سینٹر (این سی او سی) کے مطابق جون میں سائنو فارم، کین سائنو اور سائنو ویک کی مجموعی طور پر 11 ملین خوراکیں پاکستان کو ملیں گی۔

ملک میں جاری ماس ویکسی نیشن مہم میں سہولتیں بڑھانے کے ساتھ ساتھ کورونا ویکسین کی بلا تعطل سپلائی جاری ہے۔