سعودی عرب کی ائیر ڈیفنس فورس نے دفاعی نظام کو موثر بنانے کے حوالے سے مشقوں کا آغاز کیا ہے جس میں وار زون میں پیشہ ورانہ صلاحیتوں کو مزید تقویت دینا ہے۔

سعودی عرب میں ائیر ڈیفنس فورس کی جانب سے وار زون میں دفاعی پوزیشن کو مضبوط بنانے اور فضائی جنگ میں دفاعی صلاحیت کو بڑھانے کے حوالے سے مشقوں کا آغاز کیا گیا ہے،جس میں ڈرون طیاروں کو فضا میں تباہ کرنے اور طیارہ شکن نظام کو مربوط کرنے کی حکمت عملی کو اپنانے جیسی مشقیں شامل ہیں۔

یاد رہے کہ یمن میں حوثی باغیوں کی جانب سے ڈرون طیاروں کے ذریعے کیے جانے والے حملوں کو فضائی دفاعی دستے مسلسل ناکام بنا رہے ہیں جبکہ بیلسٹک میزائل کو بھی فضا میں مار گرانے کی بھرپور صلاحیت رکھتے ہیں۔