Aaj News

جمعرات, فروری 29, 2024  
18 Shaban 1445  

سندھ : تیراکھرب روپے سے زائد کا بجٹ کل پیش کیا جائیگا

سندھ کے لیے مالی سال دوہزار اکیس، بائیس کا تیراکھرب روپے سے زائد...
شائع 14 جون 2021 08:02pm
کاروبار

سندھ کے لیے مالی سال دوہزار اکیس، بائیس کا تیراکھرب روپے سے زائد کا بجٹ کل پیش کیا جائیگا۔ جس میں ترقیاتی بجٹ کا کل حجم تین سو انتیس ارب روپے اورغیر ملکی امداد سے چلنے والے منصوبوں کیلئے اکہتر ارب روپے مختص کئے گئے ہیں ۔

وزیراعلی مراد علی شاہ سندھ کا بجٹ پیش کریں گے ۔

ذرائع کے مطابق بجٹ تجاویز میں سرکاری ملازمین کی تنخواہوں میں 15 سے 20تک اضافی کی تجویز ہے۔ سندھ کے ترقیاتی بجٹ میں 1612جاری اور1671نئی اسکیمز شامل ہیں۔

ذرائع کے مطابق کراچی کے7 اضلاع میں 7 نئی ترقیاتی اسکیمیں اورفراہمی آب کے منصوبے بجٹ کا حصہ ہیں،اسکولزایجوکیشن کا ترقیاتی بجٹ14ہزار ملین روپے ہوگا۔

محکمہ صحت کیلئے12 ہزار 950 ملین مختص کرنے کی بھی تجویز ہے،صحت کے شعبے میں5ہزار550ملین نئی اسکیمز کے لئے ہوں گی،سمندری آلودگی کو روکنے کے لئے 3 ٹریٹمنٹ پلانٹس کی اسکیم بجٹ میں شامل ہے،

ذرائع کا کہنا ہے کہ کراچی کیلئے 23 ارب روپے کی ترقیاتی اسکیمیں بھی بجٹ تجاویز کا حصہ ہیں۔

CM Sindh

Murad Ali Shah

sindh govt

Budget 2021 2022

Sindh budget

Comments are closed on this story.

تبصرے

تبولا

Taboola ads will show in this div