Aaj TV News

BR100 5,205 Decreased By ▼ -24 (-0.45%)
BR30 26,756 Decreased By ▼ -198 (-0.74%)
KSE100 47,793 Decreased By ▼ -80 (-0.17%)
KSE30 19,161 Decreased By ▼ -32 (-0.17%)
COVID-19 TOTAL DAILY
CASES 1,001,875 1,841
DEATHS 22,971 32
Sindh 363,101 Cases
Punjab 352,153 Cases
Balochistan 29,451 Cases
Islamabad 85,351 Cases
KP 141,495 Cases

پاکستان مسلم لیگ ن کی ترجمان مریم اورنگزیب کی سوات میں ایک تفریحی ویڈیو سوشل میڈیا پر وائرل ہو رہی ہے۔ جس میں مریم اورنگزیب کو پی ڈی ایم جلسے سے قبل زپ لائن کے مزے لیتے دیکھا جا سکتا ہے۔ جبکہ ان کی اس ویڈیو پر تحریک انصاف کے رہنماؤں کا بھی ردِعمل سامنے آیا ہے۔

وزیراعلیٰ خیبرپختونخوا کے معاون خصوصی کامران بنگش نے مریم اورنگزیب کی ویڈیو شئیر کرتے ہوئے لکھا، 'پی ڈی ایم جلسے کے لئے آئی ہوئی مریم اورنگزیب نے سوات میں خیبرپختونخوا حکومت کی لگائی ہوئی زِپ لائن کو خوب انجوائے کیا۔ ہم مہمان نوازوں کی دھرتی اور سیاحوں کی جنت میں خیبرپختونخوا حکومت کی بہترین سہولیات کی فراہمی سے محظوظ سیر سپاٹوں میں مگن ابو بچاؤ تحریک والوں کے کارکن گراؤنڈ میں منتظر ہیں۔'

جب کہ وفاقی وزیر اطلاعات فواد چوہدری نے ٹوئٹ کیا، 'امید ہے نون لیگ کی لیڈرشپ سوات میں اچھی تفریحی سہولتوں سے خوب لطف اندوز ہوئی ہوگی، ایک اچھی حکومت کے ثمرات سے ہر شہری فائدہ اٹھاتا ہے چاہے وہ حکومت کا مخالف ہی کیوں نہ ہو، محمود خان لالہ سے کہا ہے ان مہمانوں کا خیال بھی رکھیں لیکن ان پر نظر بھی رکھیں۔'