Aaj TV News

BR100 5,093 Decreased By ▼ -3 (-0.06%)
BR30 25,710 Decreased By ▼ -45 (-0.17%)
KSE100 47,312 Decreased By ▼ -6 (-0.01%)
KSE30 18,963 Decreased By ▼ -11 (-0.06%)
COVID-19 TOTAL DAILY
CASES 1,020,324 4,497
DEATHS 23,209 76
Sindh 374,434 Cases
Punjab 354,904 Cases
Balochistan 30,019 Cases
Islamabad 86,602 Cases
KP 142,799 Cases

پاکستان کے معروف، لیجنڈری کامیڈین اور اداکار عمرشریف نے بروز پیر اپنی تیسری بیوی کو جائیداد منتقلی کے خلاف سندھ ہائیکورٹ سے رجوع کرلیا۔

عمر شریف کے وکیل کے مطابق اُن کے مؤکل نے 2016 میں بینک سے قرضہ لے کر عسکری فور میں اپارٹمنٹ خریدا تھا۔ وکیل کے مطابق عمر شریف کو بھولنے کی بیماری ہوگئی ہے اور وہ شدید علیل بھی ہیں۔

خیال رہے کہ کامیڈین اداکار طویل مدت سے علیل ہیں اور انہیں ہائی کورٹ بھی وہیل چیئر کے ذریعے لایا گیا تھا۔

وکیل کے مطابق علالت کے دوران تیسری بیوی زرین غزل نے دسمبر 2020 میں خوفزدہ کرکے اپارٹمنٹ اپنے نام کروا لیا۔

وکیل نے بتایا کہ عمر شریف کو خدشہ ہے کہ اب گیارہ کروڑ روپے کا اپارٹمنٹ زرین غزل فروخت کرنا چاہتی ہیں، لہٰذا اہلیہ کی جانب سے بنائی گئی گفٹ ڈیڈ کو کالعدم قرار دیا جائے۔

سماعت کے بعد عدالت نے فلیٹ کی فروخت روکنے کا حکم دیتے ہوئے فریقین کو نوٹس جاری کردیئے۔

اس حوالے سے اسٹیج اداکارہ زرین غزل کو کوئی ردعمل سامنے نہیں آیا ہے۔

واضح رہے کہ عمر شریف نے 2005 میں اسٹیج اداکارہ زرین غزل سے تیسری شادی کی تھی اور تاحال شادی شدہ زندگی گزار رہے ہیں۔