Aaj News

جمعہ, مارچ 29, 2024  
18 Ramadan 1445  

دنیا کا پہلا "تھری ڈی پرنٹڈ" گوشت متعارف

تھری ڈی پرنٹنگ سے دیگر اشیاء تو بنائی جاہی رہی تھیں، لیکن اب ...
شائع 25 اگست 2021 11:59am
سائنس

تھری ڈی پرنٹنگ سے دیگر اشیاء تو بنائی جاہی رہی تھیں، لیکن اب گوشت بھی تھری ڈی پرنٹنگ سے بنایا جانے لگا ہے۔

سائنس دانوں نے دنیا کا پہلا مصنوعی گوشت متعارف کرا دیا ہے جو تھری ڈی پرنٹر کی مدد سے بنایا گیا ہے۔

غیر ملکی ذرائع ابلاغ کے مطابق سائنس دانوں کی ٹیم نے یہ واگیو گائے گوشت لیب میں اسٹیم سیلز کا استعمال کرتے ہوئے بنایا ہے۔

رپورٹ کے مطابق اس سے قبل لیب میں بنائے گئے گوشت کی شکل "قیمے" کی طرز کی ہوتی تھی، تاہم اس بار تھری ڈی پرنٹر کی مدد سے اسٹیک گوشت بنایا گیا ہے۔

تصویر: ڈیلی میل/ اوساکا یونیورسٹی
تصویر: ڈیلی میل/ اوساکا یونیورسٹی

سائنس دانوں کی ٹیم نے تاحال گوشت بنانے کی لاگت اور کمرشل بنیادوں پر اس کے استعمال سے متعلق کوئی تبصرہ نہیں کیا ہے۔

واگیو بیف جاپانی گائے سے لیا جاتا ہے اور یہ دنیا بھر میں بہت مقبول ہے۔ خاص طور پر یہ یورپ اور امریکا میں اسٹیک پسند کرنے والوں کا پسندیدہ گوشت ہے۔

رپورٹ کے مطابق سائنس دانوں نے تھری ڈی پرنٹر کی مدد سے پٹھوں، چربی اور خون کی نسوں کے امتزاج والا گوشت بنایا ہے۔

Comments are closed on this story.

تبصرے

تبولا

Taboola ads will show in this div