Aaj.tv Logo

اسلام آباد:وزیراعظم عمران خان کا کہنا ہے کہ ٹیکس وصولی کے حوالے سے اچھی خبر سامنے آئی ہے، ایف بی آر نے جولائی تا اگست 850 ارب روپے ٹیکس جمع کیا۔

وزیر اعظم عمران خان نے سماجی رابطے کی ویب سائٹ ٹوئٹر پراپنے ٹویٹ میں بتایا کہ ٹیکس وصولی کے حوالے سے اچھی خبر سامنے آئی ہے،ایف بی آر نے جولائی تا اگست 2021کے دوران 850 ارب روپے ٹیکس جمع کیااورایف بی آر نے اپنے ہدف سے 23 فیصد زیادہ ٹیکس وصول کیا۔

وزیراعظم عمران خان نے کہا کہ ٹیکس وصولی کی گروتھ گزشتہ سال سے 51 فیصد زیادہ ہے۔

وزیراعظم نے کہا کہ اس رفتار سے ٹیکس وصولی کا 5829ارب کا ہدف حاصل کرلیا جائے گا۔