Aaj TV News

BR100 4,381 Decreased By ▼ -20 (-0.46%)
BR30 16,863 Decreased By ▼ -630 (-3.6%)
KSE100 43,233 Decreased By ▼ -1 (-0%)
KSE30 16,718 Increased By ▲ 20 (0.12%)
COVID-19 TOTAL DAILY
CASES 1,286,825 372
DEATHS 28,767 6
Sindh 476,674 Cases
Punjab 443,453 Cases
Balochistan 33,506 Cases
Islamabad 107,887 Cases
KP 180,316 Cases

اسلام آباد:پاکستان مسلم لیگ ن کی نائب صدر مریم نواز نے کہا ہے کہ ہم نے صرف اداروں میں چھپے منفی کرداروں پر تنقید کی،حکومت ادارے کو آگ لگانے کی دھمکی دے رہی ہےاورپوچھنے والا کوئی نہیں؟۔

مسلم لیگ ن کی نائب صدراور سابق وزیراعظم نواز شریف کی صاحبزادیمریم نواز بھی الیکشن کمیشن سے متعلق وفاقی وزیر ریلوے اعظم سواتی کے بیان پر بول پڑیں۔

مریم نواز نے سماجی رابطے کی ویب سائٹ ٹوئٹر پر اپنے ٹویٹ میں کہا ہے کہ ہم نے اداروں پر نہیں، صرف ان میں چھپے منفی کرداروں پر تنقید کی ہے،یہاں حکومت پورے ادارے کو آگ لگانے کی دھمکی دے رہی ہےاور ان سے پوچھنے والا کوئی نہیں؟۔

واضح رہے کہ وفاقی وزیرِ ریلوے اعظم سواتی سینیٹ کی قائمہ کمیٹی برائے پارلیمانی امور کے اجلاس میں الیکشن کمیشن پر برس پڑے۔

وفاقی وزیر اعظم سواتی نے اجلاس میں کہا کہ الیکشن کمیشن نے پیسے پکڑے ہوئے ہیں۔ ایسے اداروں کو آگ لگا دیں ،الیکشن کمیشن ہمیشہ دھاندلی کرتارہا ہے۔

وزیر ریلوےاعظم سواتی کے بیان پرالیکشن کمیشن حکام آگ بگولہ ہو گئے۔الیکشن کمیشن حکام اجلاس سے واک آوٹ کر گئے۔