Aaj TV News

BR100 4,778 Increased By ▲ 134 (2.89%)
BR30 20,698 Increased By ▲ 403 (1.99%)
KSE100 45,777 Increased By ▲ 473 (1.04%)
KSE30 17,911 Increased By ▲ 203 (1.15%)
COVID-19 TOTAL DAILY
CASES 1,270,322 516
DEATHS 28,405 13
Sindh 468,401 Cases
Punjab 439,450 Cases
Balochistan 33,211 Cases
Islamabad 106,777 Cases
KP 177,646 Cases

وزیرہوابازی سرور خان نے ایوان کو بتایا کہ رواں برس پی آئی اے کا یورپین یونین ممالک کو آپریشن بحال ہوجائے گا جبکہ قومی اسمبلی کا اجلاس آج بھی کورم کی نذرہوگیا، حکومت مسلسل چھٹی مرتبہ کورم پورا کرنے میں ناکام ہوگئی،

قومی اسمبلی کا اجلاس اسپیکر اسد قیصر کی صدارت میں ہوا، وقفہ سوالات کے دوران وزیرہوابازی سرور خان نے ایوان کو بتایا کہ پی آئی اے کے حوالے سےیورپی یونین اور برطانیہ کے تمام خدشات دور کر دیے ہیں، یورپی یونین نے ٹیم بھیج کر آڈٹ کرانے کا کہا ہے جس کے لئے یورپی یونین کی ٹیم 15 نومبر کو آ رہی ہے، یہ ٹیم 29 نومبر تک آڈٹ کرے گی اور امید ہے رواں سال ای یو کے لئے پی آئی اے کا آپریشن بحال ہو جائے گا۔

وزیر ہوابازی نے ایک سوال کے جواب میں بتایا کہ پی آئی اے سے ان لوگوں کو نوکریوں سے نکالا ہے جن کی ڈگریاں جعلی تھیں، سپریم کورٹ کے حکم پر ان ملازمین کو نوکریوں سے نکالا گیا ہے ، پی آئی اے کے 267 پائلٹس کی ڈگریوں پر سوالات تھے جن میں سے 50 کی ڈگریاں جعلی نکلی تھیں ۔

وقفہ سوالات ختم ہوتے ہی اپوزیشن کی طرف سے ایوان میں کورم کی نشاندہی کردی گئی، ایک بار پھر گنتی پر کورم نامکمل نکلا، حکومت چوتھے پارلیمانی سال کے آغاز کے بعد مسلسل چھٹے اجلاس میں بھی کورم پورا رکھنے میں ناکام رہی جس پر پریزائیڈنگ افسر امجد نیازی نے اجلاس منگل شام 4 بجے تک ملتوی کردیا۔