Aaj TV News

BR100 4,607 Decreased By ▼ -61 (-1.3%)
BR30 20,274 Decreased By ▼ -618 (-2.96%)
KSE100 44,629 Decreased By ▼ -192 (-0.43%)
KSE30 17,456 Decreased By ▼ -66 (-0.38%)
COVID-19 TOTAL DAILY
CASES 1,265,047 663
DEATHS 28,280 11
Sindh 465,819 Cases
Punjab 437,974 Cases
Balochistan 33,128 Cases
Islamabad 106,469 Cases
KP 176,886 Cases

افغانستان سے امریکی افواج کے انخلا کے بعد طالبان کی امریکی وفد سے پہلی ملاقات کی اندرونی کہانی بھی منظر عام پر آگئی ہے، ملاقات میں کابل اور واشنگٹن کے درمیان تعلقات کے ایک نئے دور پر اتفاق ہوا ہے.

قطری خبر رساں ایجنسی کے مطابق افغانستان سے غیر ملکی انخلا کے بعد طالبان اور امریکی وفد کے درمیان دوحہ میں پہلی ملاقات ہوئی ہے، قطری خبر ایجنسی نے نائب افغان وزیر خارجہ امیر خان متقی کے ساتھ گفتگو کا حوالہ دیتے ہوئے دعویٰ کیا ہے کہ افغان وفد نے امریکا سے افغانستان کے منجمد اثاثے بحال کرنے کا مطالبہ کیا ہے۔

ذرائع کے مطابق افغان طالبان کی امریکی قیادت سے ملاقات میں انسانی امداد اور امریکا سے طے پانے والے دوحہ معاہدے کی پاسداری پر بھی بات چیت ہوئی، افغان طالبان نے امریکا کو افغانستان کی علاقائی سالمیت کا احترام کرنے اور اندرونی معاملات میں مداخلت سے باز رہنے کا مطالبہ کیا۔

امریکی سفارتکار نے افغان عوام کے لیے کورونا ویکسین کی فراہمی کی یقین دہانی کرواتے ہوئے آئندہ بھی بات چیت کا سلسلہ جاری رکھنے کی یقین دہانی کروائی۔

واضح رہے کہ افغانستان سے انخلا کے بعد امریکا اور طالبان کے درمیان پہلی بار مذاکرات قطر کے دارالحکومت دوحہ میں شروع ہوگئے۔

گزشتہ روز طالبان وفد افغانستان کے عبوری وزیر خارجہ امیر خان متقی کی قیادت میں دوحہ روانہ ہوا تھا۔