سی این جی سیکٹر اور غیربرآمدی صنعتوں کو گیس فراہمی بند ہونے کے بعد اب گیس کے گھریلو صارفین بھی رُلنا شروع ہوگئے۔

مختلف علاقوں میں کئی کئی روز گیس کا پریشر نہ ہونے سے گھروں میں کھانا پکانا مشکل ہوگیا، ہوٹل سے کھانا خریدنا جیب پر بھاری پڑ رہا ہے۔

گھروں میں گیس نہ ہونے سے جہاں علاقہ مکین پریشان ہیں،وہیں ہوٹل مالکان کے مزے آئے ہوئے ہیں۔

پاک کالونی ہو یا سلطان آبادمختلف علاقوں کے رہائشیوں کو گیس پریشر نہ ہونےسے اسی صورتحال کا سامنا ہے۔

ادھر سوئی سدرن حکام کا کہنا ہے کہ پچیس اکتوبر سے گیس فراہمی معمول کے مطابق ہوجائے گی۔