Aaj TV News

BR100 4,381 Decreased By ▼ -20 (-0.46%)
BR30 16,863 Decreased By ▼ -630 (-3.6%)
KSE100 43,233 Decreased By ▼ -1 (-0%)
KSE30 16,718 Increased By ▲ 20 (0.12%)
COVID-19 TOTAL DAILY
CASES 1,286,022 391
DEATHS 28,753 8
Sindh 476,233 Cases
Punjab 443,310 Cases
Balochistan 33,491 Cases
Islamabad 107,811 Cases
KP 180,194 Cases

وزیر اعلی جام کمال کے مستعفی ہونے کے بعد بلوچستان میں نئے قائد ایوان اور حکومت سازی کی کوشش تیز کردیں گئی اسپیکر قدوس بزنجو عہدے سے استعفیٰ دیکر نئے وزیر اعلی کے امیدوار کیلئے میدان میں آگئے ۔

وزیر اعلی بلوچستان جام کمال کے خلاف تحریک عدم اعتماد پر آج کا دن رائے شماری کیلئے رکھا گیا تھا لیکن سابق وزیر اعلی بلوچستان جام کمال خان نے گزشتہ شپ ہی استعفی دے دیا تھا جس کے بعد آج ایوان کے اجلاس میں انکے خلاف آنے والی تحریک کو واپس لیکر نمٹا دیا گیا۔

ارکان اسمبلی نے ایوان میں اظہار خیال کرتے ہوئے کہا کہ جام کمال خان سے انکی اپنی جماعت کےلوگ نالاں تھے۔

انہوں نے اہنے رویے کی بدولت مخالفین کی تعداد میں اضافہ کیا اور نوبت یہاں تک پہنچی، تاہم اب نئی حکومت سب کو ساتھ لیکر چلے۔

اجلاس کے بعد بلوچستان عوامی پارٹی کے ترجمان سردار عبدالرحمٰن کھتران نے میڈیا سے گفتگو کرتے ہوئے بتایا کہ قدوس بزنجو نے اسپیکر شپ کے عہدے سے استعفیٰ دے دیا ہے اور وہ اب نئے قائد ایوان ہونگے۔

آئندہ دو دنوں میں قانونی تقاضے پورے کرکے ان کو منتخب کرلیا جائے گا، اپوزیشن سیمت تمام جماعتوں سے رابطوں کیلئے کمیٹی قائم کردی گئی ہے۔