Aaj TV News

BR100 4,623 Increased By ▲ 6 (0.12%)
BR30 17,917 Increased By ▲ 191 (1.08%)
KSE100 45,078 Decreased By ▼ -5 (-0.01%)
KSE30 17,793 Decreased By ▼ -35 (-0.2%)
COVID-19 TOTAL DAILY
CASES 1,402,070 8,183
DEATHS 29,192 30
Sindh 535,965 Cases
Punjab 471,925 Cases
Balochistan 34,187 Cases
Islamabad 123,648 Cases
KP 189,300 Cases

اسلام آباد:حکومت نے پانچویں سیکرٹری خزانہ کوبھی تبدیل کردیا ، یوسف خان کی جگہ گریڈ21کے حامد یعقوب شیخ کو ایڈیشنل سیکرٹری انچارج وزارت خزانہ تعینات کردیا گیا ۔

وزیراعظم عمران خان کی منظوری کے بعد اسٹیبلشمنٹ ڈویژن نےسینٹرل سلیکشن بورڈ میں ترقی پانے والے افسران کا نوٹیفکیشن جاری کردیا۔

اسٹیبلشمنٹ ڈویژن کے جاری نوٹیفکیشن کے مطابق سیکرٹری خزانہ یوسف خان کوتبدیل کرکے حامد یعقوب شیخ کو ایڈیشنل سیکرٹری انچارج وزارت خزانہ تعینات کردیا گیا ہے ۔

یوسف خان کومشترکہ مفادات کونسل سیکرٹریٹ کے سیکرٹری کا چارج دے دیا گیاہے ۔

اس سے پہلے عارف خان، یونس ڈٖھاگا،نوید کامران بلوچ اور کامران علی افضل سیکریٹری خزانہ کے عہدے پرکام کرچکے ہیں۔

نوٹیفکیشن کے مطابق پاکستان ایڈمنسٹریٹوسروس کے 7،کسٹم گروپ کے7 اورسیکرٹریٹ گروپ کے5 افسروں کوگریڈ 21 میں ترقی دی گئی ہے۔

چیئرمین سی ڈی اے اورچیف کمشنراسلام آباد عامرعلی احمد بھی گریڈ 21 میں ترقی پانے والوں میں شامل ہیں جبکہ عبدالعزیزعقیلی کوایڈیشنل سیکرٹری انچارج وزارت منصوبہ بندی تعینات کیا گیا ہے ۔