پشاور: خیبر پختونخوا میں رواں سال کی پہلی انسداد پولیو مہم کا آغاز ہوگیا، مہم کے دوران 44 لاکھ 76 ہزار سے زاٸد بچوں کو پولیو سے بچاؤ کے قطرے پلانے کا ہدف رکھا گیا ہے۔

ایمرجنسی آپریشن سینٹر خیبرپختونخوا کےمطابق انسداد پولیو مہم 2 مراحل میں کی جائے گی۔

پہلے مرحلے میں 6 جنوبی اضلاع بنوں، لکی مروت، ٹانک، ڈی آئی خان، شمالی وزیرستان اور جنوبی وزیرستان میں مہم چلائی جائے گی جبکہ دوسرے مرحلے میں پشاور،مردان،کوہاٹ ڈویژن،باجوڑ اور دیر لوئر میں پولیو مہم چلائی جائے گی۔

مہم کیلئے 20ہزار 484 پولیو ورکرز ٹیمیں تشکیل دے دی گئی ہے جس میں 18ہزار 324 موبائل، 1ہزار 237 فکسڈ، 856 ٹرانزٹ اور67 رومنگ ٹیمیں شامل ہیں جبکہ مہم کی موثر نگرانی کیلئے 4 ہزار 949 ایریا انچارج کی تعیناتی عمل میں لائی گئی ہے۔