اسپاٹیفائی کے اعداد و شمار کے مطابق عاطف اسلم بین الاقوامی سطح پر سب سے زیادہ اسٹریم کئے جانے والے پاکستانی گلوکار بن گئے ہیں۔

ان کی ہٹ فلمیں 'کڑی تے ہس بول ، جینا جینا (بدلہ پور) اور تیرے سنگ یارا' پاکستان کے بیرون ملک میں سب سے زیادہ اسٹریم کیے جانے والے 10 گانوں میں شامل ہیں۔

ایکسپریس ٹریبیون کی ایک رپورٹ کے مطابق فہرست میں دوسرے نمبر پر راحت فتح علی خان، تیسرے نمبر پر نصرت فتح علی خان ہیں جبکہ مومنہ مستحسن اور بلال سعید چوتھے اور پانچویں نمبر پر ہیں۔

اسپاٹیفئی کی لانچنگ ان بہترین چیزوں میں سے ایک تھی جو گزشتہ سال پاکستان میں موسیقی سے محبت کرنے والوں کے لیے پیش کی گئی تھی۔

اسپاٹیفائی کے اعداد و شمار کے مطابق گزشتہ ایک سال کے دوران پاکستان میں تخلیق کاروں کی جانب سے پلیٹ فارم پر 19,590 سے زیادہ گانے شامل کیے گئے ہیں۔ایک سال پہلے پاکستان سمیت دنیا بھر میں 80 سے زائد نئی مارکیٹیں شروع کیں۔

اسپاٹیفائی کے باضابطہ طور پر ملک میں آنے سے قبل لوگوں نے مشہور میوزک اسٹریمنگ ایپ کو استعمال کرنے کے لیے VPNs اور کریکس کا استعمال کیا۔

اسپاٹیفائی کیا ہے؟

اسپاٹیفائی ایک ڈیجیٹل موسیقی، پوڈ کاسٹ، اور ویڈیو سروس ہے جو دنیا بھر کے تخلیق کاروں کے لاکھوں گانوں تک رسائی فراہم کرتی ہے۔