لاہور: پاکستان سپرلیگ (پی ایس ایل) کا 8واں ایڈیشن آئندہ برس 15فروری سے شروع ہوگا۔

پاکستان کرکٹ بورڈ ( پی سی بی )نے پی ایس ایل 8 کیلئے تیاریاں شروع کردیں، ایونٹ آئندہ برس 15فروری سے 31مارچ کے درمیان ہوگا۔

ذرائع کے مطابق پی سی بی نے فرنچائزز کی مشاورت کے بغیر ونڈو کو فائنل کرلیا، ایونٹ کے میچز کراچی، لاہور، ملتان اور راولپنڈی میں کھیلے جائیں گے۔

جنوری 2023میں نیوزی لینڈ اور ویسٹ انڈیز کے دورہ پاکستان کے بعد پی ایس ایل ایٹ کا میلہ سجے گا۔