Aaj News

جمعہ, مارچ 29, 2024  
18 Ramadan 1445  

وفاقی کابینہ نے لاپتہ افراد کے معاملے پر کمیٹی تشکیل دے دی

وزارت داخلہ نے کمیٹی کی تشکیل کیلئے باقاعدہ نوٹیفکیشن جاری کردیا، کمیٹی کے چیئرمین وزیرقانون اعظم نذیر تارڑ ہوں گے۔
شائع 30 مئ 2022 03:11pm

اسلام آباد: وفاقی کابینہ نے لاپتہ افراد کے معاملے پر کمیٹی تشکیل دے دی، جس کے چیئرمین وزیرقانون اعظم نذیر تارڑ ہوں گے ۔

وفاقی کابینہ کے فیصلے کے بعد لاپتہ افراد کے معاملے پر کمیٹی تشکیل دے دی گئی، کمیٹی کے چیئرمین وزیرقانون اعظم نذیر تارڑ ہوں گے۔

وزارت داخلہ نے کمیٹی کی تشکیل کیلئے باقاعدہ نوٹیفکیشن جاری کردیا، جس کے مطابق وزیرداخلہ رانا ثناء اللہ، وزیر مواصلات اسعد محمود، شازیہ مری اور وزیردفاعی پیداوار اسرار ترین ممبران ہوں گے۔

کمیٹی میں وزیر بحری امور فصلہ سبزواری اور وزیر سائنس اینڈ ٹکنا لوجی آغا حسن بلوچ بھی شامل ہیں۔

نوٹیفکیشن کے مطابق کمیٹی انسانی حقوق کی تنظیموں کے نمائندوں اور جیورسٹ کو شامل کرسکے گی جبکہ کمیٹی اپنی رپورٹ وفاقی کابینہ کو پیش کرے گی اور وزارت داخلہ کمیٹی کو سیکرٹریٹ مہیا کرے گی۔

federal cabinet

اسلام آباد

interior ministry

missing persons

Comments are closed on this story.

تبصرے

تبولا

Taboola ads will show in this div